الزهايمر هل له مصل؟!!!

المخ يتكون من خلايا عصبيه مترابطة بينها وبين بعضها في نقاط تشابك عصبي اللي عندها بيحصل نقل الإشارات العصبية و المعلومات العصبية من خلية عصبية لخلية عصبية اخري.....
كمان  في نوع معين من البروتين اسمه
(APP (Amyloid precursor protein 
و ده بيبقي موجود علي سطح الخلية العصبية.
البروتين ده لما بيتكسر بطريقة معينة بيطلع بروتين تاني اسمه Amyloid beta protein
في العادي الجسم بيعرف بتعامل معاه ويتخلص منه .
لكن في مريض الزهايمر بيحصل حاجه تانية خالص!!!!
الجسم بيفقد قدرته علي انه يتخلص منه و انه يقدر ينظمه بالطريقة الصحيحة.
فينتج عن ده إيه!!
ان Amyloid beta protein تتجمع مع بعضها مكونة كتل عند منطقة التشابك العصبي بين الخلايا العصبية وبالتالي تعوق نقل الإشارات العصبية بين الخلايا العصبية بعضها ببعض.
دلوقتي الخلايا العصبية هتفقد التواصل ونقل الاشارات العصبية بينها وبين بعضها ما يؤدي الي تلف وتدمير و موت الخلايا العصبية.
طيب تخيل لو الخلايا العصبية ديه في منطقة مهمة زي الذاكره متخيل ايه اللي ممكن يحصل لما الخلايا ديه تموت!
زي ما انت متخيل يبدأ الشخص في النسيان و بيفقد جزء من الذاكره و ده اللي بيحصل في مريض الزهايمر.
ده مش بس كده ده ال Amyloid beta protein بتتجمع مع بعضها اكتر واكتر مكونة plaques او لويحات وديه من اهم اهم اسباب الاصابة امرض الزهايمر.
كده احنا متفقين ان لو قدرنا نوقف تجمع Amyloid beta protein مع بعضها البعض وتتكتل وتروح تصيب الخلايا العصبية وتؤدي لتدميرها احنا كده هنقدر نوقف مرض الزهايمر.
وده بالضبط اللي فكر فيه الباحثين باللجوء إلى أحد تطبيقات التكنولوجيا الحيوية هي انهم صمموا مصل من حاجه اسمها monoclonal antibodies وهي أجسام مضادة احادية احادية المنشأ بحيث انها محددة بس لل
Amyloid beta protein
فاول ما هتوصل المخ هترتبط ب Amyloid beta protein في حين بيبقي فيه خلايا في المخ اسمها خلايا بلعمية او ما تشوف المنظر ده هتقوم بعملية البلعمة او phagocytosis تبدأ تتخلص من Amyloid beta protein و تبتلعها و تهضمها.
و بكده يبقوا قدره يوقفوا الزهايمر.