- اختار الوقت المناسب لكل بلد حسب طبيعة الجو الي بتحبها

- اضبط البرنامج علي حسب اهتماماتك بالترتيب يعني مبتحبش الفرهدة او مبتحبش تمشي كتير خلي كل دة في اخر البرنامج لو في وقت وابدء بالحاجات القريبة من ذوقك

- لو بتخاف من الحشرات وعندك فوبيا منهم بلاش تروح فندق وسط الطبيعة زي الي بالي وتايلاند اختار فندق عادي

- ديما حاول تخلي خط سير الرحلة من الاقل للاعلي يعني لو هتروح تايلاند ( بانكوك - بوكيت ) ابدا من بانكوك وانهي من بوكيت هيفرق معاك اكيد في الاخر هتقول بوكيت كانت احلي بس ترتيب الرحلة هتخليك تتبسط من بانكوك

- حاول ديما بداية رحلتك تبقي مستريحة يعني متسافرش مكان وتوصل متاخر ومش عارف هتركب اية وتتسوح وتبقي بداية الرحلة سيئة

- بلاش شنط كتير ووزن ملوش لزمة ودة للناس الي اول مرة بتسافر بتبقي ديما خايفة وبتحاول تاخد كل حاجة خليك خفيف هتستريح اكتر في السفرية

- حاول تكتب كل حاجة في ورقة 📝 تجهيز الرحلة بفترة

- في دول مفكرتش اروحها مش حاسسها ومش متحمس ليها بالتالي سافر الاول البلاد الي متحمس او حاسسها مناسبة ليك متخبطش اي سفرية وخلاص

احترامنا لراي كل شخص والاذواق المختلفة بس خلي بالك ديما في ناس اوفر 🤐 بتنفخ في اماكن وهي عادية جدا او حد معجبهوش بلد بسبب سوء تنظيم واختيار الاماكن او عندة راي شخصي ملوش علاقة بالبلد الخ ..... علشان كدة ديما بنصح دور واعمل سيرش وشوف المناسب ليك

- هنقول تاني مفيش سقف للصرف في اي بلد بعد التكلفة الاساسية وحتي التكلفة الاساسية بتختلف كدرجة الطيران - كنوع الفندق - كاماكن الاكل بس في حد ادني

-انا سافرت ب ٤ جنية ونص طبعا احترامي لاي شخص وطريقة السفر او امكانياتة بس تعقيب صغير لما اسافر واوصل بلد ومشوفش ولا اروح اي مكان من معالم البلد انا استفد اية 👀 وفين التجربة في دة دة يتعمل داخلي. اطلع اسكندرية وانا. زهقان والدنيا مزنقة اخد ارخص مواصلة واطلع اقعد قدام البحر بكباية شاي واي حاجة بسيطة تسد جوع مش سفرية دافع طيران وفيزا دة راي الشخصي🤚

فرق بين بسافر وبعمل كل حاجة بس بعرف اختار طيران ووقت رخيص وبعرف اوفر في سكن وناصح بعرف افاصل واجيب سعر كويس وباكل في اماكن مش غالية علشان اوفر الفلوس لبرنامج الرحلة واتبسط اكتر واني معملش اي حاجة