السلام عليكم ورحمة الله وبركاته حاب أوجه انظاركم على أنه الطب مهنة إنسانية عظيمة و يتطلب منا العديد من المسؤوليات . 💪💪
بسم الله نبدأ ؛
عمرك سألت حالك ليش أي طفل صغير لما تسأله شو حاب تصير لما تكبر ؟ مباشرة بجاوبك دكتور 😎🙊
ليش الأهل حابين هالتخصص و نفسهم ابنهم يدرسه ، بل ، لما طلعت نتائج القبول الموحد ، ولما طلعلك طب ، لاحظت انه أهلك و حبايبك طاروا من الفرحة ، ممكن فرحوا أكثر منك حتى ! 👀
طبعا ، لو سأل حدا سؤال🧐 ، لشو كل هالاهتمام ، ليش كل الفرحة و البهجة ؟ يعني شو مميزات الطب الي بتميزه غيره من التخصصات . 😲😲
في عدة اجابات لهذا السؤال ، ممكن يكون هدف مادي💰، ممكن يكون اجتماعي بين الناس صولة و جولة ، ممكن يكون لانك مضطر بس ، لكن الاهم و الأسمى و الأشمل هو هدف انساني ، و كما قال احد الحكماء ، الطب اقربهم للرحمة . 💔
حاب احكيلكم هاي القصة القصيرة ، 😴
بتحكي طبيبة 👩⚕️، بعد ما كملنا من العملية ، اتفاجأت بأحد أقارب المريض ، رجل كبير بالسن 👴 يبكي بحرقة و قرّب علي و بدأ يدعيلي من كل قلبه ، و بحكي نفسي اكون مكانك، بتحكي الطبيبة انا معتادة عهذا الاشي ، بس حاس القصة أكبر من العملية ، فسألته : ليش يا عمي كل هالبكاء ، فقال : أزاح رجل شوكة من الطريق ، فشكر الله تعالى له فأدخله الجنة🙏 ، وانتِ أزحت شوكة من عين حفيدي ، فهنيأً لك👏 ، فتأثرت الطبيبة و ما قدرت تحكي اشي .🥺🥺🤧
هذا الاشي ، بعطينا جرعة من القوة و الفخر💪 كلما شعرنا بالضعف ، و بنفس الوقت بحملنا مسؤولية كبيرة تجاه المرضى و ذوويهم .🤷♂️
فأنت بمجرد ما دخلت كلية الطب ، لازم تحط ببالك هدف كبير و نبيل 😌، ما لازم تكون شخص عادي👌 ، لازم فعلا تأثر بغيرك ، طبعا هذا الاشي بتحققه بإتقانك لمهنتك ، و تعاملك الراقي من الناس ، ما لازم نتكبر او نشوف حالنا عحدا ، كثير بنسمع انه الطب تخصص انساني ، بس بحب احكيلكم انه معظم التخصصات انسانية اذا انعملت بالطريقة الصح😎 ، فأنت ، لما اخترت دخول الطب ، لازم تكون قد المسؤلية ، و تتحمل كل الصعوبات 💪💪، عشان بإذن الله تحصل على مستقبل زاهر .
الطبيب عليه مسؤوليات كثيرة ، بس مش مستحيل أنه يتقنها و يأديها بأفضل اسلوب ، لهيك عملوا القسم الطبي ، اللي ان شاء الله بس نتخرج كلنا رح نأديه ، ولازم تظل حاطه ببالك ما دام أنت طبيب . 🙃
(( أقسم بالله العظیم أن أراقب الله في مهنتي ، وأن أصون حیاة الإنسان في كافة أدوارھا ، في كل الظروف والأحوال ، باذلا وسعي في استنقاذھا من الموت والمرض والألم والقلق ، وأن أحفظ للناس كرامتهم ، وأستر عوراتهم ، وأكتم سرھم ، وأن أكون على الدوام من وسائل رحمة الله ، باذلا رعایتي الطبیة للقریب والبعید ، الصالح والطالح ، والصدیق والعدو. وأن أثابر على طلب العلم ، و أسخّره لنفع الإنسان لا لأذاه. وأن أوقر من علمني ، واعلم من یصغرني ، وأكون أخا لكل زمیل في المهنة الطبیة في نطاق البر والتقوى. وأن تكون حیاتي مصداق إیماني في سري و علانیتي ، نقیا مما یشینني أمام الله ورسوله والمؤمنین . والله على ما أقول شهيد )) .
مثل ما شفتوا هذا بمثابة عقد بينك و بين الله تعالى ، حتى تعطي افضل اداء عندك .
بالتوفيق يا رب 🤗🤗
You must be logged in to post a comment.