عربيات «كيوووت»

حقيقى كل شئ صغير جميل "كيوت"، وموضوعنا النهاردة بيسلط الضوء على شركة Half Scale Cars ودى موجودة في جنوب المملكة المتحدة، وشغلتها تصنع عربيات من أشهر الماركات ولكن بحجم أصغر بكثير من العربية الأصلية، العربية حتثير فضولك وتحب تشتريها وممكن تستعملها كديكور في البيت أو لعبة لإبنك، حقيقى العربية "كيوت" ومش حتقدر تقاوم رغبتك في ركوبها والسير بيها على الطريق.

تعالوا بينا نستعرض البعض منها:

1. جاجوار X20

واحدة من أفضل واحدث المنتجات الجديدة للشركة، جاكوار الجديدة تشعرك بالحنين للماضى، دواخل العربية مصنوعة من الجلد وتم خياطته يدويا، العربية مصنوعا يدويا بالكامل، وممكن تغير لونها الداخلى وكمان لون الهيكل.

2. مرسيدس 722 (عربية سباق)

العربية من شكلها واضح انها عربية سباق، طول العربية 78.7 بوصة (2 متر) وعرضها 35.4 بوصه (0.9 مترا) وتنفع لطفل عمره 7 سنين.

3. الجاجوار الذهبى الكريستالية – جاجوار E

تم زخرفة الجاجوار الكريستالية بأكثر من 10000 وأكثر من 50 لونا مختلف من بلورات سواروفسكى، تعطى للعربية شكل رائع، ويتم بيع العربية في شركة هارودز وهى شركة متاجر فاخرة وليها اقسام كتيرة لبيع المنتجات.

4. نسخة الجاجوار الفضي الكريستالية - جاجوار E

5. شيلبي كوبرا

النسخة "الكيوت" من شيلبى كوبرا، مش حترضيك زى النسخة الكبيرة منها زى "Super Snake" الأصلية من سنة 1966، لكن هى بالتاكيد تستحق المحاولة بفضل محركها بقوة 140 واط واللى بيساعدها على الانطلاق بسرعة بحد اقصى يصل الى 6.5 ميل فى الساعة (10.4 كم/ساعة).

6. بورش 911 Targa

طولها 98.4 بوصة (2.5) وعرضها 51.1 بوصة (1.3 متر) وتسمح بركوب طفلين، ويمكن توصيلها بالطاقة الكهربية ويتم شحنها بسرعة.

واقرأ أيضا:

حلم السيارة الطائرة قد يتحقق بحلول عام 2022

14 أداة من أدوات المطبخ تجعل الطبخ أكثر متعة

بالمختصر المفيد .. مواقع تشغلك وانت فى البيت

7. جاجوار X40  

وافد اخر جديد من الجاجوار، مع دواسات مغطاة بالكروم المصبوب.

8. بورش 917k جونيور

بمحرك Yamaha 350 ccK، وامكانية التحكم فى تغيير معدن العربية من الداخل حسب طلبك.

9. فيراري 330 إل إم (عربية سباق)

العربية الفيرارى اللى كنت بتحلم بركوبها، وده لانها بتسمح بركوب الكبار والاطفال، يعنى ممكن تتسابق انت وابنك مين يركبها الاول.

10. Ford GT Racer

عربية سباق وكمان ممكن تجربها لانها للكبار والصغار، فيها محرك بقوة 150 سى سى بدفع رباعى، ممكن توصل سرعتها الى 35 ميلا في الساعة (56.3 كم/ساعة).

11. رودستر

يبدو ان الناس بتحب العربيات الكلاسيكية فهى من افضل واكثر العربيات بيعا في الشركة، ويقدر الاطفال الاقل من 8 سنين يستخدموها، وفيها محرك بقوة 45 سى سى وناقل بسرعتين.