- لو من الكسل هتغسل أسنانك مرة واحدة ف اليوم يبقا الأفضل المرة دي تكون بالليل قبل ما تنام
و طبعاًاا متاكلش بعدها أي حاجة -وخصوصاً ال ستيي فود- تغسلها و تنام علطول
الموضوع فعلا بيفرق جامد ف معدل التسوس ✨
- الإهتمام والعناية بنظافة أسنان الأطفال بتبدأ من قبل ما يطلعوا أسنان حتى
مفروض بعد كل رضاعة و خصوصا آخر رضعة قبل ما ينامو الأم أو المسؤل يمسح أي بقايا لبن موجود على الللثة الموضوع يبدأ من بدري علشان مع بداية طلوع الأسنان يكون أصبح عادي ف نحافظ ع الأسنان اللبنية من إنها تسوس و تتخلع قبل معادها
- لو في حمل أأمن وقت للشغل ف الأسنان هما تاني ٣ شهور يعني الرابع و الخامس و السادسو
يفضل طبعاً تأجيل الشغل عموماً ابعد الولادة و لكن لو ضروري يبقا دي الشهور الآمنة يعني :")
- ف التنظيف الدوري العادي أي معجون أسنان كويس كلهم زي بعض مفيش نوع أحسن من التاني
إلا لو في حساسية أو حاجة بنبدأ نشوف نوع مخصوص ليها
- لو لما بتيجي تغسل أسنانك بيكون في ألم و اللثة بتجيب دم غالباً بيكون في التهابات بسبب تراكم الجير ممكن يكون في أسباب تانية بس دا الأغلب و ف كل الأحوال لازم تشوف دكتور علشان يأكد السبب و يعالجه
متستسهلش و تقول هبطل أغسلها طالما غسلها بيسبب نزيف -غلط جدااا-
- مفروض كلنا نعمل تنضيف جير كل ست شهور أو ع الأقل مرة ف السنة و كل واحد و حالته
تراكم الجير مع الوقت ممكن يسبب وقوع السنة خالص حتى من غير ما يكون فيها أي تسوس
- ضرس العقل بيطلع من سن ١٨ ل ٢٥ هما ٤ ضروس عقل مش ضرس واحد
٤ واحد ف كل جنب ٢ فوق و ٢ تحت :)
معرفش متعارف انه واحد بس ليه :!
- لو بعد الأكل ديماً بتحس إن مكان بين سنتين بيوجعك و عاوز تدخل فيه خلة أو حاجة و تجز عليه يبقا عندك جيب عظمي و محتاج تنضيف وتمشي على نظام معين فترة
- مهم جدا جدا لو هتروح لأي دكتور أسنان تتأكد من التعقيم و إن كل الأدوات المستخدمة ليك بتخرج من أكياس التعقيم قدامك و حاجة المريض ال قبلك كلها متغيرة قبل ما تدخل
متتكسفوش لو شكيتو ف أي حاجة ف الموضوع دا لو هتوصل لإنكم تمشوا و متشتغلوش ...
دمتم سالمين 💗🌺
You must be logged in to post a comment.