استيقظ الصيدلي ( أنيس ) كعادته في تمام الساعة الثامنة صباحًا ثم أخذ شاور وتناول فطوره الصحي ثم غادر مسرعًا لكي يتأكد من أن مساعده ( بندق ) قد قام بفتح الصيدلية قبله أم تأخر كعادته.
ولحسن الحظ فإن الدكتور أنيس قام بإستئجار صيدلية بالقرب من منزله وبسعر متوسط قلما يجده في الأماكن الراقية البعيدة عنه.
وفي غضون 5 دقائق كان الدكتور أنيس يدخل من باب الصيدلية التي وجدها مفتوحة ووجد المساعد (بندق) قد قام بالإنتهاء من تنظيف الرصيف الخارجي للصيدلية وكذلك الأرفف الزجاجية التي يتم التعامل عليها ووضع الأدوية للزبائن وخلافه.
ابتسم الدكتور أنيس ابتسامة لئيمة ونظر لمساعده بندق وسأله ( متى جئت يا بندق ؟)
فهم بندق المغزى من السؤال وقال له ( اطمئن يا دكتور أنيس أنا جيت الصبح الساعة 8 ألا 5 دقايق يعني قبل معادي ب 5 دقايق )
وهنا موعدنا مع أول زبون
الزبون : سلامو عليكم ادكتور عايز مسكن للأسنان
الدكتور أنيس: انت متعود تاخد مسكن معين ولا لما تحس بألم في الأسنان بس
الزبون : والله يادكتور بظروفها بس عايز مسكن قوي الله يكرمك
- في عندي مسكن اسمه ( كاتافاست ) هديك منه
- اه طبعا يادكتور عارفه هاتلي 5 أكياس منه
- اتفضل
- بكام يا دكتور ؟
ب 10 جنيه بس
- تمام اتفضل يا دكتور سلام عليكم
- وعليكم السلام
الزبون الثاني
الزبون : سلامو عليكم
الدكتور أنيس : وعليكم السلام
- بالله عليك يادكتور عايز أصرف الروشتة دي
- بس كده عنيا ورينى كدا الروشتة ...ايوة بس دى روشتة من دكتور أطفال
- أيوة ماهي للواد ابني عملناله عملية اللوز
- ألف سلامة وابنك عامل ايه دلوقتي بعد العملية؟
- والله الحمد لله الدكتور اللي عمل العملية قال يرتاح وياخد الأدوية دي
- يابندق ....يابندق اتصلي بالدكتور صاحب الروشتة عشان أتأكد من صنف دوا معين
... يقوم المساعد بندق بالاتصال برقم تليفون العيادة المدون على الروشتة ويعطي الهاتف للدكتور أنيس
- ألو أيوة يادكتور أنا دكتور أنيس صاحب صيدلية أنيس اللي تحت عيالدة حضرتك.
- أه طبعا اتفضل
- جالي روشتة لحضرتك بس معنديش خافض للحرارة اللي حضرتك كاتبه ممكن اديله بديل؟
- لا والله مينفعش لازم اللي مكتوب في الروشتة.
تابعونا ........
You must be logged in to post a comment.