👧: اهلا وسهلا
🙎:اهلا
👧:اهلا وسهلا
🙎:اهلا😮
عمرك قبل كده مريت بموقف وحسيت انه بيتكرر
دخلت ع حد وسلمت عليه وحسيت انك مريت بنفس اللحظه دى بكل تفاصيلها قبل كده
روحت مكان وحسيت انك روحته قبل كده بنفس اللبس وقولت نفس الكلام ونفس اللقطه دى موجودة ف عقلك قبل كده وحسيت نفس المشاعر بالظبط
كل ده يندرج تحت عنوان الDéjà vu او الديجافو (مش محل الشنط لا😂 )او سبق الرؤية
الكلمه فرنسية بمعنى شوهد من قبل ، كتب Alan S. Brown ان مافيش كلمه توصفها ف اللغة الانجليزية وان التعبيرات الانجليزية اللى حطوها خليته confusing اكتر وموضحتهوش
العلماء اخدوا قرن كامل بيحاولوا يعرفوا الظاهرة دى بشكل دقيق وتعريفها هو اى شعور او انطباع ذاتى غير متناسب ومألوف لحدث او موقف حالى بدون ماض واضح 🤔🤔🙄
مكنوش تعبوا نفسهم والله😂كان فيه 53 تعريف منهم 34 كان بيشير الى انه شعور او انطباع
وكل كلمه ليها لازمه حرفيا بس كفاية رغى ف البوينت دى عاوزة احافظ عليكم لقدام
الظاهرة دى بتزيد لحد سن25-30 وبعدين بتبدا تقل مع زيادة العمر😎
تفسير الديجافو غير معروف لحد دلوقتى بس العلماء مبيسكتوش و هاتك ي نظريات والعلماء مسابوش لبعض حاجه والنظريات كانت كتيرة جدا وانا ناو ف قمه سعاادتى 🤩🤩🤩
علوم كتير فسرت الموضوع ده
علم الأعصاب كان ليه تفسيرات كتيرة اهمها
🔷ان عين أسرع التانية بثانيه واحدة ويمكن اقل بتاخد الاشارة وتوصلها للمخ وتتسجل ف اقل م الثانيه لما الاشارات بتيجى من العين الاخرى بيحسها ع انها حصلت قبل كده بس الحقيقة انه هو لسه ف الموقف
🔷التفسير التانى هو انه عشان نعيش ونبقى حلوين ومقطقطين وصاحيين كده فصين دماغنا متزامنين جدا جدا وده بسبب ان بينهم انسجه عصبية حساسة جدا اسمها corpus callosum الفكرة انه لو حصل تاخير بسيط حتى لو ثوانى فنص عقلك هيعتبر اللحظه دى اتعاشت والنص التانى هيعتبرها جديدة وانت يعنى متمرمط وسطيهم
🙌 خلينى هنا اقول معلومه لطيفة ان نص عقلك اليمين بيتحكم ف نص جسمك الشمال والعكس .
🔷 فيه تفسير تالت بيرجع الموضوع لاختلاف كهرباء المخ و الناقلات العصبية زى الدوبامين بيغير ف فهم المخ للمعلومات اللى وصلاله وده بيحصل ف بعض الامراض(الصرع ) او لحظات الفرح او الحزن الشديد او بعض الادوية اللى بتغير ف كيمياء المخ
علم النفسية كان له عدة تفسيرات مشابهة للتفسيرات العصبية وواحدة منها انه افترض ان الموقف زى شريط الفيديو اتسجل ف المخ فخانه الذكريات 😂😂😂 واتعاد تانى ده برضو بيحصل ف وقت قصير جدا وهنا له علاقة بالعقل الباطن شوية
علم الديناميكا النفسية قال ان المفروض اننا نسمى الظاهرة seen again not seen before
وقال ف نظريته ان ممكن تكون طريقة يدافع بها الانسان عن احساسه وانه بيعيد الموقف فباله عشان يحسنه او يغير احساسه للافضل واعتمد ف ده ع معلومات بعض الناس انهم كانوا مبسوطين بعدها 😇
فيه كام نظرية كمان ف علم الجينات عنب بس حقيقى كفاية عليكم كده
فيه نظرية لطيفة خاالص بتقول انه ممكن يكون مشهد من حياتك السابقة ودى علوم ماوراء الطبيعه و التخاطر 😂😂😂😂😂
انواع الديجافو تلاته
1-تمت رؤيته
2-تم احساسه
3-تمت زيارته
مهم جدا انك تفرق ان الشخص ده مش بيعانى من هلوسات سمعيه او بصريه بتحسسه بكده او انه عنده انفصام ف الشخصية او ان دى احلام وانه بيعانى من الصرع او بعض امراض النفسية والعصبيةواللى هتتشابه بشكل كبير مع الديجافو
طب هو انا هعرف منين انك بيحصلك كده ومجرد السؤال مش كافى طبعا انى اعمل ابحاث واضيع وقت مجهود وموارد العلم من غير ما يكون معانا أداة واضحه ومفيدة ف انها تحدد زى الاشعات او تحاليل معينه بس للاسف ده مش متوفر
والحاجة الوحيدة المستخدمة والمعترف بيها عالميا اللى ممكن نستخدمها هو استبيان اسمه IDEA
بجانب تجارب تانيه كتيرة....
انا حاسة انى طولت جدا اتمنى تكونوا مبسوطين ومش زهقانين وكم المعلومات حتى لو مش مفيد فهو ممتع 💃
اتمنى تكونوا دايما كويسين وبخير خلى بالكم من نفسم❤
#stay_home
#stay_safe
You must be logged in to post a comment.