انتشر الراب في مصر من 2019 وكانت سنة الانفجار الكبير بالنسبة للراب في مصر على ايد رابرز كتيير ابرزهم ابيوسف وبابلو وويجز ومروان وموسي ولكن ده مش معناه ان الراب ابتدي في مصر السنة دي ففي ناس كتير عملت راب قبلهم و في ناس كانت مشهورة بالراب زي مكي و الجوكر فكان ليهم تراكات كتيير مسموعة ومشهورة و الناس كانت حابه البيقدموه حتي لو هم مش عارفين ايه ده و في ناس بتقل ان الراب موجود في مصر من التسعينات و اول واحد قدم الفن ده كان عمر بفلوت مؤسس واي كرو.
طب ايه هو الراب وابتدي امتي؟
لو جينا بصينا على الراب في الاسكيلز هنلاقيه هي هي مهارات الشعر القديمة بس الفرق ان الراب اتطور و بقي علي المزيكا انما لو جينا مثلا بصينا علي الرايمز فهي هي القوافي و كانوا الشعرا بارعين فيها و الورد بلاي و البانش لاين هو هو اللعب بالكلام و التشبيهات الي موجودة في الشعر و لو قولنا الدس تراك فالشعر موجود فيه الهجاء لو قولنا الساد تراك في فالشعر الرثاء و البقاء علي الاطلال و لو جينا برضه للباتل راب كان زمان في مبارزة الشعراء لبعض كانوا يتجمعوا في مكان و يتبارزوا بالشعر و يتباهوا بمهاراتهم امام مجموعة من الحشود و ده زي البنشوفه دلوقتي في الباتلز دلوقتي و الفكرة دي كان مكي بيحاول يوصلها للناس في البومه الراب اصله عربي.
طب تطور الراب الحالي ده حصل أزاي؟
زمان قبل اكتشاف أمريكا كان في افريقيا كانت القبائل بتحكي قصصهم بقوافي للتباهي بس على المزيكا و دي كانت بدايات الراب و انتقل الراب و ثقافته لأمريكا اثناء استعمارهم للدول الافريقية فكانوا بياخدوا معاهم ناس افارقة علشان يشغلوهم في المناجم و الأراضي و اتطور الراب هناك علي ايد أصحاب البشرة السمراء زي الجاميكي كول هيرك و غيره كتيير و مع الوقت و تطور الثقافات ظهرت ثقافة الهيب هوب في التسعينات و بدا الراب ينتشر مع الوقت لحد ما وصل لشهرته الحالية كفن موجود في كل البلاد وكل بلد بتحاول تضيفله جزء من ثقافتها.
نيجي بقي لنقطة هل الراب موضة؛ ومظنش بعد كل القولناه ده ان ينفع يتقال عليه موضه ولازم نقتنع انه فن موجود في كل مكان و بيطور مع الزمن علشان يواكب فهو موجود في مصر من التسعينات و ظهر و اختفي في الالفية الجديدة وكافح ناس كتير في انهم يوصلوه للنور و يبقي ظاهر للكل و علي ما اعتقد ان الراب في مصر هيتطور و هيفضل صاعد مع الجيل الحالي ومعبرعنه و مع كبر سن رابز كتيير مشهورين الا ان في ناس كتيير موهبه سنها صغير ظهرت زي مهاب و ارسينك و سانتا و ديزي وغيرهم كتيير وفي غيرهم هيظهر و كل واجد فيهم هيحاول يعبر عن فكره هن طريق الفن ده.
You must be logged in to post a comment.