السعاده الزوجيه

دايما في اي علاقه بين اتنين بيبقي ف طرف بيشد وطرف بيرخي او دايما بنلاقي واحد موجب وواحد سالب واحد عصبي مثلا والتاني هادي واحد بيفكر بعقله والتاني بيفكر بقلبه نادرا مابنلاقي اتنين متوافقين ف كل شي ف الشخصيه بس دايما تلاقي الطرف الضعيف ف المشاكل هو اللي بيستحمل ويعدي عشان المركب تمشي والطرف الاقوي بيفرض سيطرته ورأيه عل الطرف الاضعف وف اغلب العلاقات بيكون الرجل هو الطرف الاقوي المسيطر ف العلاقه ومش شرط القوه والتحكم يكون سبب ف فشل العلاقه بين الطرفين لكن تربيه مجتمعنا الشرقي وتربيه الامهات لاولادهم دايما بتكون تربيه خاطئه مبنيه عل انك كل ماتسيطر وتفرض رأيك وتمشي كلامك كل ماكنت راجل قوي الشخصيه مع ان العكس تماما الراجل هو من يستطيع احتواء المرأه ف اوقات ضعفها هو من يستطيع تقبل رأيها ومناقشتها ف امور حياتهم دون استخدام قواه كرجل دا بيخلي المرأه طوعا له بارادتها باحترامها وحبها له لانها شايفه منه تقديره لها وحنانه وعطفه دون استخدام عضلاته عليها شايفه انه مشاركها الحياه ومديها دورها ومساحتها ف تقرير مسار حياتهم دون المساس بها وفرض السيطره الذكوريه عليها ف كل شي حيلاقي وقتها تغير كامل فيها وف حياتهم معا حيلاقي انها بتطوعه عشان واثقه فيه وف اختياراته مش عشان مجبره عل الامر الواقع حتفاهمه وتتفاهم عيلته واهله وستعطي اقصي ماعندها من جهد وعطاء وحب دون مقابل وقتها حيلاقي السعاده والراحه ف بيته فالتفاهم هو اول الطرق للسعاده بين اي طرفين وليس الازواج فقط لو ترسخ هذا المفهوم بين الناس سيحدث تغير جذري ف العلاقات ونسبه فشل العلاقات حتقل، ايضا ف الخلافات بين الطرفين بيكون كل طرف متشبث برأيه دون التفكير ف الاخر ودا اكبر غلط ممكن يواجهه اي اتنين لو كل طرف منهم صمت وانصت جيدا للاخر وتفاهم وجهه نظر وتقبلها واقدم عل ايجاد حلها سيصلا الي طريق التفاهم والسعاده لكن لو كل طرف تشبث برأيه سواء عيند او رغبه ف السيطره عل الاخر ستنهار سبل التفاهم بينهم ويصل كل منهم ال طريق مسدود وتنقطع حبال الود والحب بينهم وتنهار العلاقه مهما كانت قوه الحب بينهم فاساس الحب التفاهم والمشاركه.