أحنا كـ بشر من الفطرة مُعززين، بس الدنيا بتصير تصبغ علينا اللوان غريبة، طباع غريبة، صحيح مش الكل بس المعظم هيك.
رح نقابل ناس مختلفة :
الطماع، الأناني، الي عينو فاضيه، الي تفكيروا سطحي، المُثابر، الناقص، الكذاب، المنافق، الحساس، العصبي، المريض النفسي، المؤذي، الخبيث، اللطيف، القوي،الضعيف ...
وغيرهم كثير ....
من الممكن تجتمع أكتر من صفه بشخص، و الأكيد أنو كل وحده الها سلبياتها ...
( الأنسان الناقص ): شخص بدعي الكمّال.
موقف صغير ممكن يجسد الفكرة؛ ليلى، نور، زيد ثلاث أشخاص مع بعض بمكان، زيد مدح ليلى بتصرف معين عملتوا أو دايماً بتعملوا...
زيد: ليلى موهوبه بالتسوق، السلعة الي سعرها غالي بضل تدور ع مثلها بنفس الجودة تقريباً بس بسعر أقل.
نور: طيب وأنا كمان مثل هيك ...
هاد هو الشخص الناقص، أي مدح بنسبوا لنفسو، أي فكرة بحاول يقلدها، وفكرة أنو يكون بحياتك شخص مثل هيك أبداً مش أشي مُحبب بصراحة، هالشخص هو أنسان مُهلك بطريقة غريبة، لهيك أوقات بتلاقي صديقات و أصدقاء كثير بس طرف منهم ببعد بدون سبب، هو فعلياً في سبب، بس السبب بكون نفسي، يعني أنت بحالك وأنا بحالي، أحنا أصدقاء بس عشرتك مش مُريحة بصراحة.
الشخص هاد بكون عبارة عن كائن ممزوج بالغيرة و الكيد و الحسد و التقليد.
وبكثير أوقات الحياة رح تجبرنا نكون قريبين من هيك ناس، صعب نبعد عنهم بحكم قرابة، شغل، دراسة .... ألخ.
بس بصفي الموضوع كيف رح نتخلص من التعامل معهم ؟ أو كيف نتعامل معهم ؟ 🪄
الموضوع بـ تلخص بكلمة وحده ( تجاهل )، تجاهل التصرفات، تجاهل الكلام، تجاهل القعده معهم كمان. يعني وجودك وعدمو واحد بالمكان هيكون لا تحكي ولا ترد بزيادةلحتى ما تحس انو كل تصرف بتعبروا أنجاز منك يقوم الطرف التاني يحسسك أنو ( عادي وأنا بعمل مثلك وأحسن كمان).
You must be logged in to post a comment.