بروتين للشعر طبيعي بالمنزل

قبل ما نتكلم عن الوصفه لازم نتكلم عن أن البروتين والكيريتين والڤيلر المعالج للشعر كل دي مواد فيها فورمالين والفورمالين بيضر الشعر وبيضعف الشعرايه وجزور الشعر ويسبب تساقط للشعر وبيضعفه ودي مشكله بتواجه بنات كتير 

ثانيا غسيل الشعر بالشامبو كل شويه دي مشكله كبيره جدا لازم كل اسبوع تغسلي شعرك مره كتر الكيماويات للشعر غلط 

ثالثا تمشيط الشعر وهو مبلول أضعف وقت علي الشعر وهو مبلول وطري فهنشفو بالاستشوار علي البارد وهو مبلول أو ننشفو بالفوطه كويس ونمشط الشعر 

طريقه البروتين سهله وبسيطه 

2 مج نشا 

2 مج زيت جوز الهند 

2 مج زيت زيتون

2مج عسل نحل

1مج زبادي 

2 مج چل بذر الكتان 

1 مج اي حمام كريم بتستعملي 

قبل ما ندخل علي طريقه الخلطه هنعمل مع بعض بسرعه طريقه چل بذر الكتان هنجيب من عند العطار بذر الكتان ونحط2 مج بذر الكتان مع نص لتر لحد ما يكون قوامها زي الچل ونبعد الإناء عن النار حتي يبرد ونقوم بتصفيه بذر الكتان بشراب فاليه أو بشاش لحد ما يكون معانا چل بذر الكتان هناخد ال2 مج وكده يبقي معانا 2 مج بذر الكتان 

بعد ما جمعنا المكونات هنحضر اناء ونضع النشا  ومعها زيت جوز الهند  وزيت الزيتون وعسل النحل  والزبادي وحمام الكريم وچل بذر الكتان ونخلطهم بشكل جيد  ونضعهم علي الشعر نقسم الشعر الي 4 اقسام وابتدي اخد كل قسم واضع عليه الخليط بشكل كويس ويفضل أن أمشطه بمشط خشب من فوق لتحت حتي يتغذي كل أنحاء الشعر واكرر ذلك بكل أنحاء الشعر حتي يتغذي بالكامل ونضعه علي الشعر ونتركه لمده 3 ساعات ونقوم بغسله ونكرر العمليه كل اسبوعين 

ونتيجه مضمونه ميه ف الميه