تحفيز قوي وبعض النصائح لطلبة التوجيهي
انا راح أحكي الي يعجبوا يدعيلي ولكل الطلاب بالنجاح والي ما يعجبوا يحكي الله يهديه
انتا طالب 18 سنة وانتا كبير وبتعرف مصلحتك لكن احنا بننصح
وشكرا
انتا قدها وقدود
لا تخاف ولا تيأس خلي دايما عندك أمل إنك راح تنجح وتحقق حلمك وطموحك
فكر في نفسك يوم النتيجة وانتا ناجح وفرحان
فكر في أهلك أبوم وأمك وهم فرحانين ومطمنين عليك عشان انتا رفعت راسهم وما خيبت آمالهم وثقتهم فيك
اتحدى الصعوبات والظروف وما تقول ما بقدر ويأسان لا انتا لازم تجتهد وتدرس وما تيأس وما تخيب ثقة والديك فيك
والديك حاطين كل آمالهم فيك وعايزينك تنجح وترفع راسك وراسهم
ما تحكي ضايل شهرين للإمتحانات وأنا ما درست ومش فاهم شي ومضغوط والمنهج متراكم علي
وما راح ألحق أدرس وأخلص منهج
أنتا غلط تفكيرك والي بتعمله غلط
راح أحكيلك كيف تدرس وتخلص في الشهرين وتكون مرتاح
نضم وقتك وما اتضيعه في الأشياء الفاضيه وما إلها لازمة وحافظ عليه
أعمل جدول يومي تمشي عليه
اصحى الفجر صلي وادرس احلى وقت للدراسة وقت مبارك
ادرس من صلاة الفجر لصلاة الضهر اتغدى وناملك ساعة صلي العصر
أدرس لبعد العشا بساعة وبساعتين الدراسة حلوة بعد
العشا ما في دوشة وإزعاج وفي هدوء وقت منيح للدراسة
ادرس ساعات متواصلة
لا خوذ برك كل مدة لما تحس حالك اتعبت ومش عارف تركز وبطلت تستوعب
اشرب ميه منيحة الك قهوة وشاي من منبهات
وأهم شي نام منيح وكول أكل صحي ومتوازن حلويات سكريات
امسك قلمك دون ملاحضات اكتب على شكل نقاط ارسم بس لا تلهيك عن الدراسة
كول منيح وحافظ على صحتك
اه انتا يلي مش مهتم وما تدرس
هاد سنة وراح اتعدي
هاد أهم سنة في حياتك ما اتضيعها
هاد السنة كل حياتك سنة تحديد مصير ومستقبل
حدد مستقبلك واسعى لتحقيقه
هاد سنة حياة او موت يا ناجح يا راسب يا عايش يا ميت
فأختار إانك تعيش وتنجح اتعيش وانتا مبيض وجهك ووجه اهلك
التوجيهي سهل مش مثل ما بتعتقدوا بل بالعكس هو سهل ومثل أي سنة عدت والي فيها وخليها مخوفة الطلاب
والناس إنها آخر سنة وهي سنة تحديد مصير أما هي والله سنة عادية وأكثر من عادي
بس الناس والأهالي بضخموا الإشي وبحكولك توجيهي وإنتا توجيهي وعاملين انه توجيهي آخر يوم بالحياة
وأنه توجيهي صعب ولازم تدرس 24ساعة ولازم ما تخرج من البيت
كل هاد هبل وما فيه منه الكلام وهاد خطأ بخلو الطالب يعيش حالة من الخوف والقلق
إحنا طلاب التوجيهي بنعيش حياة من اليأس والخوف والقلق والأرق من الي بنسمعو سواء من أهلينا
أو من الناس وبتجي الناس بتخلينا نفقد الأمل حرام عليكوا سيبونا في حالنا
أما توجيهي حياة جميلة بتعيش فيها آخر أيام الدراسة في المدرسة وبتعتمد فيها على نفسك وبتحدد مصيرك ومستقبلك
بتكسب فيها أصدقاء وبتتشارك معهم في احزانك وأفراحك وادرساتك
سنة راح تذكرها وتحكي عنها سنة راح تكسب أصدقاء بجد وتذكر أيامك معهم وأنتا طالب
طلاب التوجيهي والثانوية العامة وطلاب حادي عشر هاد الكلام موجه الكو
أنا طالب مثلكو وبحس في الي بتحسوه وبتعيشوه
عارف انه كلو بده ينجح ويحصل على معدل عالي ويرفع راسه وراس اهله
عارف الشعور الي بتشعروه سنة صعبة ياس وسجن وحده حياة مثل الأطرش في الزفة
لا عارف راسه من رجليه وخاصة في هاد الوضع الصعب
لكن معلش لازم نتحمل ونصبر ونجتهد وندرس عشان ننجح ونطلع من السنة الزفت وعشان نرع روس والدينا
والله الرسوب صعب أنك ترسب وراسي واطي في الأرض ونفسك تختفي وما حدا يسألك عن معدلك
إذا إنت نفسك تختفي أهلك بكون نفسهم ما يكونو موجودين ولا عاشوا هاد اللحضة
فعلى الأقل راعي شعور أهلك انهم خايفين عليك وعلى مستقبلك وادرس وأنجح عشان خاطرهم
اتعب السنة وارتاح في المستقبل وإن ما كان عنا شغل الا انه الشهادة اسلاح في ايد المتعلم
إنك تكون راسب صعب وخاصة لما يكون أصدقائك ناجحين وفرحانين وانتا الوحيد الي راسب
عشان هيك ادرس واتعب وانجح لأنك مش عاوز ترسب وتجيب لنفسك ولأهلك سواد الوجه
وخاصة لأبوك وأمك قدام قرايبك أو جيرانكو أو أصحابهم
عارف أنه طولت عليكم لكن مضر أحكيلكم هيك لأنه انا بدي مصلحتكو
وبدي كلو طلاب التوجيهي ينجحوا ويرفعو روس أهليهم
والله العضيم راح أنجح أرفع راسي وراس أهلي
إنتا أقسمت ونفذ القسم الي أقسمته
وأهم شي تكون علاقتك مع ربك منيحة
صلي كل صلاة وبرضه راح اتنضم وقتك على الصلاة راح تاخد برك وقت الصلاة تصلي وترتاح
اجعل الك دكر من القرآن اقرأه وقت ما بدك
او بعد الفجر سبح بعد كل صلاة وما تنسى تدعو ربك انه ينجحك ةينجحنا
في سجودك وبعد كل صلاة سبح واستغفر وادو الله ينجح كل طلاب التوجيهي
ونخرج من هاد السنة واحنا ناجحين طيبين رافعين روسنا
دير بالك على نفسك وحافظ على صحتك
انتا 18 سنة وانتا بتعرف الصح من الخطأ وبتعرف وين مصلحتك فاسعى الها واجتهد
اللهم فاشهد اللهم أني بلغت
والسلام عليكم ورحمة الله وبركاته
دمتم سالمين ونلقاكم وانتم شامخين
توجيهي 2003-2021
أخوكم ياسين
You must be logged in to post a comment.