صنعوا مني قاتل ..

"مشهد ظلام دامس"

صوت1-الرجل اللي اتقتل ده مفكرتش ان يكون ليه اطفال منتظرينه يرجع من شغله, انت قتلت طفولتهم زي ما قتلت ابوهم.

صوت2- مقتلتش حد ..

صوت 1- والست العجوزه الوحيده اللي مالهاش اي ذنب اللي طعنتها وسرقت مجوهراتها وفلوسها وسيبتها تتعفن في شقتها لحد ما جيرانها كسروا الباب وبلغوا عن الجريمه مش حاسس بالذنب تجاهه !!!

صوت 2- بقولك مقتلتش حد ...

صوت 1- هتفضل تنكر لحد امتي كل الجرايم اللي عملتها !! جون ابن رجل الاعمال الانجليزي الشاب المراهق اللي استدرجته لبيتك وطعنته كان ايه صلتك بيه وقتلته ليه!!

صوت 2- انـ....انا انا معرفش انت بتتكلم عن مين من فضلك بطل اتهاماتك وسيبنيي في حالي ...

صوت 1- متقاومش احساس الاعتراف واتكلم احسن لك وليا..

الانسه اماندا الجميله المسكينه اللي هجمت عليها بوحشيه وشوهت وجهها الجميل بالمحلول الحمضي وقطعت لسانها ومرضتش تسيبها الا وانت طاعنها بنفس الخنجر اللي بتقتل بيه كل ضحاياك واللي قتلت بيه راوول سايمون ابوك وبعدها هربت من نيفادا واستقريت هنا علشان تبدأ رحلتك الاجراميه كان ايه السبب لقتلك كل دول انت مريض تايلور مريض ولازم تتعالج...

صوت 2- ههههههههههه هههههههههههه

صوت 1- بتضحك علي ايه يا مخبول !!!!!

صوت 2- هههههه ههه مريض صح صح ههههه انا مريض بس مش انا اللي محتاج اتعالج هما اللي لازم يتعالجوا, هما اللي صنعوا مرضي..

صوت 1- هما مين اللي صنعوا مرضك !!!

صوت 2- كلهم كلهم عملوا مني قاتل ابويا و مستر فوستر ومدام ايميلدا العجوز واماندا الملعونه ولكن جون الشاب هو الوحيد اللي مكنش ليه ذنب المقصود كان ابوه المتغطرس .

صوت 1- مش فاهم انت عايز تقول ايه وضح اكتر .. 

صوت 2- انت متولدتش في بيت الاب فيه كان مجرم سارق وقاتل مش بيتكلم معايا الا بالضرب والاهانه والويسكي مش بتفارق ايده مستحملتش حياتي معاه ولما وصلت للسن اللي يسمحلي اني اسيب البيت دخلت اوضته في غيابه اسرق اي مبلغ يقع تحت ايدي واهرب من حياته القذرة بس القدر مسمحليش اني اعمل جريمه واحده وانا بدور علي الفلوس دخل الاوضه وهو مخمور قالي وسط سيل من السباب "انت عايز تسرقني يا ملعون!!" مسكني من رقبتي كنت هموت في ايده لحد م ايدي وصلت للخنجر اللي في دولابه ومن غير تفكير دخلته في قلبه ساعتها خدت كل الفلوس اللي في البيت وهربت ...هربت وانا راضي عن الجريمه اللي عملتها . 

صوت 1- واماندا !

صوت 2- الفتاه المدلله الجميله اللي تشوفها ملاك وهي في الحقيقه زوجة ابليس اعترفت بحبي لها واستغلت شعوري علشان توقعني في احد مقالبها وتستدرجني علشان تضحك اصحابها علي شكلي وتحرجني بشكل بشع حطم مشاعري, كان لازم تموت زي ما موتت ثقتي بنفسي وبعت لها رسايل بأسم مستعار لحد ما اتعلقت باللي في الرسايل وطلت منها نتقابل في وقت متأخر ووافقت ساعتها حضرت للانتقام وقابلتها واتفاجئت ان انا وسخرت مني تاني حسيت وقتها بشعور رائع وانا بشوه وجهه الملائكي وصوتها العذب بمنعه وانا بقطع لسانها للابد وبسيبلها النحيب بس وعيونها الصافيه وهي بتتألم والخنجر بيتسلل بهدوء لقلبها ..كان احساس جميل مش هنكر ده ..

صوت 1- انت شئ حقير وتستحق الموت والباقي عملولك ايه عشان يستحقوا المصير ده ..

صوت 2- القتل شهوه يا عزيزي اقتل مره وحس بالقوه وفريستك بتنهار تجت ايدك وهتبقي عايز تقتل تاني وتالت ..

العجوز ايميلدا المتصابيه كانت بتدور علي شئ يرضي فراغها العاطفي كنت بعتبرها الخزينه اللي باخد منها اللي انا عايزه مقابل اشباغ رغباتها, لحد ما اكتشفت اني بسرقها وكانت عايزه تطلب البوليس محستش بنفسي الا والخنجر في قلبها, هي كده كده كانت ميته انا قربت نهايتها بس ههههه.

جون جانجاك الابن الوحيد لرجل الاعمال تايلر جانجاك منبع الفساد في الولايه ارمي له الاموال مشبوهه ترجع لك بشكل قانوني جدا وده اللي حصل لي المبلغ اللي لقيته في بيت العجوز كان ضخم جدا علشان كده لازم يكون له اصل ويرجع لي بشكل قانوني فكان خياري المحتال جانجاك اعطيته جزء كبير جدا من المبلغ علي ان يرجعوا لحضني بارباح ولكن اللي حصل انه سرقني وانا مش معايا دليل علي اي شئ اقدر اطالب بيه بالفلوس ..الحل كان ابنه جون الشاب المراهق خطفه والضغط علي ابوه المحتال علشان يرجعلي فلوسي عليها 2 مليون دولار هديه مقابل ابنه بس ضحك ورفض العرض واللي متعرفوش ان جون مش ابنه ده متبني ومن جشع المحتال انه ضحي بيه , قتلته بدم بارد علي امل اني احس بالراحه بس احساسي بالذنب مسبنيش في حالي لايام والعلاج كان بيتردد في افكاري كتير... 

مستر فوستر الاخصائي النفسي اللي لجأت ليه في وقت ضعف وكنت عايزه يعالجني من القتل مستحملش اني اخرج من العياده غير لما يبلغ عني الشرطه وكان فاكر اني مش هعرف كده, ولحسن حظي معرفتوش اسمي وعرفت اهرب من العياده بعد ما شليت حركته وجريت بأقصي سرعه واستنيته في الوقت اللي خرج فيه من العياده ومشيت وراه لحد شارع مظلم , ساعتها عرفت ان مفيش علاج حقيقي للقتل غير القتل خرجت الخنجر وطعنته اكتر من مره لحد ما اتأكدت انه مات وسري معاه .

صوت 1- انت حقيقي مريض انت عايز تبرر جرايمك وترمي كل اخطاءك علي المجتمع انت حقـ.......

صوت 2- ششششششـ انا مش محتاج لنصايحك انت مين علشان تنصحني انا اللي بتحكم بحياتي وحياة غيري بحكم علي ده انه يعيش وده انه يموت بأيدي وارادتي واتفضل ابعد عن طريقي ...

"تضئ الغرفة فيظهر شخص واحد في منتصفها يبتسم وهو ينظر لصوره فتاه في العشرينات ثم يضعها في جيبه ثم يفتح احد ادراج الكومود ويأخذ خنجر ويقوم بأخفاءه بعنايه في ظهره وخرج من الغرفة وهو يغني ".......