بيركن العربيه وبينوا لسا لقي بنت في وشه بتقوله:
ينفع كده يا احمد بقالي ساعه واقفه مستنياك اي التأخير دا
رد بتعجب: احمد مين يا فندم انا ادهم.
رد بعصبيه: نسيب وقفتي بقا في الشارع دا كله ونقف ندور انت احمد ولا ادهم
رد بتعجب: انتي مجنونه ولا اي انا معرفكيش اساسا
قالت بصوت واطي ونظرات استعطاف: ساعدني بليز قول انك تعرفني
رد بذهول: واقول اني اعرفك ليه انتي مين اساسا واي الي جابك تحت بيتي
قالت بصوت عالي: عالفكرة دي مش معاملة حد يعاملها لمراته انت طلعت انسان غير مسؤل بس عالعموم لينا بيت نتكلم فيه
ومسكن دراعه وقالت يلا اتفضل
شدها وقفها وقال: يلا فين ومرات مين احنا هنستعبط
قالت بصوت واطي وخوف: بص هناك بعيد عند العمود فيه تلت شباب بيلحقوني بقالهم ساعة بليز ساعدني
ادهم بص لقاهم فعلا
ادهم:مين دول ومين انتي
قالت بخوف:طب نتكلم في البيت ممكن
ادهم بتعجب: ليه وانتي فاكره اني هدخلك البيت عندي من غير ما اعرف انتي مين
قالت بجدية: لا طبعا ودي تيجي راحت مده ايديها ومسلمه عليه وقامت قايله: انا ملك هاا عرفت انا مين يلا ندخل بقا
ومسكن ايده علشان تمشي لقدام شدها تاني وقالها: انتي غبيه ولا بتستغبيني
ملك بضيق: اووف بقا انا زهقت هتسعدني ولا لا
ادهم: لا
ملك: شكرا اوي كنت عارفه انك هتساعدني يلا بينا بقا
شدها من قفاها وقلها : يلا فين انتي مجنونه
فجأة قرب أحد الشباب ناحيتهم قائلا: هي البنت دي مضيقاك في حاجه يا فندم
ملك في رعب استخبت وراه ومسكت في دراعه
ادهم بص ليها وهي واقفه وراه مرعوبه وراح قايل.....
تفتكرو اي الي هيحصل ويا تري ادهم هيساعد مريم ولا لا؟؟
برافو
You must be logged in to post a comment.