سألت نفسك قبل كدا و قلت :هو ربنا بيحبنى؟هل عندك شك فى حب ربنا ليك ؟
لأ لأ ..حسّها اكتر ، قُل "هو ربنا بيحبنى" و خليها تمر من على قلبك .. يااااه للدرجة دى ممكن توصل الغشاوة اللى على قلبك و تخليك تفكر كدا ..
يمكن انا فى فترة من الفترات سألت نفسى الاسالة دى .... لما أى حد فينا بيمر بضيقة بيحس أن هو لوحده و أن كل العالم ضده ، بيحس بخذلان من الناس و من ربنا ، و يمكن كمان بيتسائل و يقول : اشمعنا انا ؟ اشمعنا انا بيحصل معايا كدا ؟. طب ليه ؟
بس لأ لأ ،، انا متأكدة أن ربنا بيحبنى اوى كمان بس يمكن صعبانة عليَّا نفسى ، صعبان عليَّا كل اللى بيحصل ليا ، حاسة انى ماشية غلط ، و فى حواجز و ضغوط كتير اوى بتواجهنى كل يوم ، يمكن دا السبب اللى خلانى اقول كدا ، لكن انا متأكدة أن ربنا بيحبنى و بيسمعنى ، و حاسس بقلبى و عارف ايه بيدور جوّاه ، حاسس بالدوشة و الكركبة اللى جوايا .
بس أنا يارب متأكدة انك مرتبها بالطريقة الحلوة ، عارفه أنى استعجلت و انى دايماً بستعجل
آسفة على كل لحظة ظنيت فيها يارب انك بعيد عنى ، و كل لحظة صليت فيها و انا مشغولة بغيرك فى الصلاة ، و على كل لحظة نمت فيها بخطايا و ذنوب ، و منحتنى حق الحياة و فرصة للتوبة مرة تانية ..
انت متعرفش حكمة ربنا فين !! بس كفاية أنه أحن عليك من أى حد و إن مفيش مستحيل عنده
بلاش تفكر كتير و سيبها على ربنا ، اطمن خايف ليه؟! وراء كل انتظار مفاجأة حلوة من ربنا ليك .. و بعد كل ضيقة فيه خير كتير اوى مستنيك ..
ربنا اكيد هيعوض تعبك و هيفرحك و ينولك اللى فى بالك و اللى نفسك تحققه .. بس انت ثق و اصبر ♥️
You must be logged in to post a comment.