ورقه طلاق

الدنيا فيها حكايات كتير وكمان ورق كتير شهاده ميلاد شهاده امتحان قسيمه جواز ورقه طلاق قيد وفاه وورا كل ورقه من دول حكايه ياتفرح ياتحزن بس كله ورقه من دول بتكون نهايه او بدايه

بتكون حلم اوتكون كابوس والنهارده هحكى لكم حكايه ورقه طلاق 

والورقه دى زى باقى الورق بس وراها حكايه لبيت وأطفال تاهو فى وسط الورق وهبدا من قبل الطلاق بكتير

قلت له معتش باقى كتير اهتم بيه اسال عليه بلاش ضياع كفايه وجع 

ضحك وقالى انتى معنتيش بتملى عنيه شوفى ولادك يا وليه

ضحكت انا كمان وقلت له انت مش خايف عليه حد غيرك يملى عنيه 

ضحك وقالى كبرى دماغك شويه

خدت القرار وابتديت الفرار وقلت هرفع قضيه يمكن يحس بيه ويجى يصالح فيه

ورفعت القضيه القاضى سالنى وقال جاوبى يامدام

ط♠ طفشنى طمع غيره فيه

ل♠ لميت هدومى لميت كرامتى

 ا♠ انا مليت

ق♠قيمه وقسيمه

عرف البيه بالقضية وقلت هيصالح فيه قلى ببرود بقى بعد مارفعتى قضيه وكأنه كان بيطفش فيه عشان ارفع القضيه تنحت شويه وقلت له هتنازل عن القضيه بس نرجع للى كان فين حبك اللى كان فين حضنك والأمان اديتك كل شئ ومخدتش الا قليل كان نفسى بس فى حبه تقدير 

سكت وقالى وقت الكلام انتهى وكأنه كان مستنيها ومسك وكلبش فيها 

لميت اللى باقى منى ومشيت وقلت الدنيا مش هتقف على حد اكيد طول مافى رب عادل وكبير ودى حكايه من حكايات ستات كتير كانت بتحلم بالأمان  بس النهايه بتكون ورقه طلاق واولاد وبيت بيتهد علشان كلمه شكر أو تقدير 

رفقا بالقوارير 

رفقا بالقوارير ، وان شاء الله فى حكايات تانيه كتير تابعونى